स्नुकर प्रतियोगिताको प्रिक्वाटरफाइनल समिकरण सम्पन्न

काठमाडौं- प्रथम चक्र लामा/किसन लामा स्मृति राष्ट्रव्यापी खुला स्नुकर प्रतियोगिताको प्रिक्वाटरफाइनल समिकरण सम्पन्न भएको छ।

एनआरटीका दीपक मगर बुधबार सम्पन्न खेलबाट प्रिक्वाटरफाइनलमा प्रवेश गरेसँगै अन्तिम १६ को समिकरण सम्पन्न भएको हो।

बौद्धस्थित अजिमा स्नुकर हाउसमा जारी प्रतियोगितामा दीपकले ब्रेक प्वाइन्टका उमेश शर्मालाई ४–० को फ्रेममा सहजै पराजित गरे।

त्यस्तै एस स्नुकरका सक्षम श्रेष्ठले सन्दीप मगरलाई ४–३, माउन्ट एभरेष्टका कृतेश ज्ञवालीले बुटवलका शिशिर गुरुङलाई ४–३ र फस्ट ब्रेकका अमन कार्कीले कुँवेर ट्रष्टका सञ्जयकुमार मुल्मीलाई ४–१ ले पराजित गरे।

अन्य खेलमा अजिमाका फुरी शेर्पाले ब्रेक प्वाइन्टका रविन्द्र विष्टलाई ४–२, पाल्पाका कुनाल श्रेष्ठले एनआरटीका राजु केसीलाई ४–०, एसका मिलन लामाले एरिना १४७ का सुमन थापालाई ४–३ ले हराएका थिए।

बाँकी खेल एक कोटेज बेम्बुका राजन गुरुङले विराटनगरका शाहरुख अन्सारीलाई ४–० को फ्रेममा हराए।
विजेता सबैले प्रिक्वाटरफाइनलमा स्थान सुरक्षित गरे।