कालीप्रसाद बाँस्कोटा र अस्मिता अधिकारीको स्वरमा ‘मैना’

काठमाडौं- गायक कालीप्रसाद बाँस्कोटा र गायिका अस्मिता अधिकारीको स्वरमा रहेको गीत ‘मैना’ को भिडियो सार्वजनिक भएको छ। गीतमा कालीकै शब्द र संगीत छ।

भिडियोमा विज्ञान र गरिमा शर्माले अभिनय गरेका छन्। डान्सिङ फ्लेभरको गीतमा विज्ञान र गरिमाको जोडी जमेको छ।

भिडियोमा शंकल भुजेलको डीओपी, कृष्ण भण्डारी एण्ड ग्लेज इन्टरटेनमेन्टको रंग संयोजन र सम्पादन तथा सुरेश पाण्डेको कोरियोग्राफी छ।

रुपा लामा, माया लामा र विज्ञानको लगानी रहेको भिडियोमा वसन्त अधिकारीको निर्देशन छ। भिडियोमा आयुष पोखरेलको सह–निर्देशन तथा रुपा लामा र माया लामाको वार्डरब छ। 

भिडियो एसथ्रीके इन्टरटेनमेन्ट युट्युब च्यानलबाट सार्वजनिक भएको हो।