युरोपा लिग : नापोली पराजित, बराबरीमा रोकियो मिलान

काठमाडौं- युरोपा लिगअन्तर्गत बिहीबार राति सम्पन्न खेलमा इटालियन टिम नापोली पराजित भएको छ।

ग्रानाडाको लस कर्मेनेस रंगशालामा सम्पन्न खेलमा पाहुना टिम नापोली घरेलु टिमसँग २–० गोलले पराजित भएको हो।

लिगको अन्तिम ३२ को खेलमा ग्रनाडालाई जित दिलाउन यन्जेल हेरेरा र केनेडीले समान १–१ गोल गरे।

अब यी दुई क्बले दोस्रो लेगको खेल फेब्रुअरी २५ मा नापोलीको मैदानमा खेल्नेछन्।

त्यस्तै गएराति नै सम्पन्न अर्को खेलमा एसी मिलानले क्रेवेना ज्वेज्डासँग २–२ गोलको बराबरी खेलेको छ।

४२ औं मिनेटमा क्रेवेनाका राडोवन पान्कोभले आत्मघाति गोल गरेपछि मिलानले अग्रता बनाएको खेल दोस्रो हाफमा गएर बराबरी भयो।

तर, ७७ औं मिनेटमा क्रेवेनाका मिलन रोडिक रातो कार्ड खाँदै बाहिरिए पनि एसी मिलानले १० खेलाडीविरुद्ध जित निकाल्न भने सकेन्।

मिलान र क्रेवेनाबीच दोस्रो लेगको खेल फेब्रुअरी २६ मा हुनेछ।