ओसाकाले तोडिन् सेरेनाको कीर्तिमान बराबरी गर्ने सपना

काठमाडौं- महिलातर्फ पहिलो सेमिफाइनल खेलमा जित निकाल्दै नाओमी ओसाका जारी अष्ट्रेलियन ओपनको फाइनलमा प्रवेश गरेकी छन्।

११ औं वरियताकी सेरेना विलियम्सलाई तेस्रो वरियताकी नोआमी ओसाकाले ६–३ र ६–४ को सेटमा पराजित गर्दै फाइनलको यात्रा तय गरकी हुन्।

अब ओसाकाले शनिबार हुने फाइनलमा जेनिफिर ब्राडी र केरोलिना मुहोबको विजेतासँग प्रतिस्पर्धा गर्नेछिन्।

प्रतिस्पर्धात्मक सेमिफाइनलमा तीन पटककी ग्राडस्लम विजेताले सुरुआतमै दबाब बनाउँदै जित निकालिन्। यससँगै उनले लगातार २० खेलमा अपराजित यात्रा कायम गरेकी छन्।

‘म धेरै भावुक र सुरुमा भयवित भएकी थिएँ। यद्यपी मैले खेललाई निरन्तरता दिएँ’, ओसाकाले जितपछि भनिन्, ‘सेरेनासँग खेल्न पाउँदा गर्भ लाग्छ। तर त्यसो भन्दैमा प्रतियोगिताको नियम तोड्नु पनि भएन र मैल मेरो उत्कृष्ट खेल देखाउनुपर्छ।’

यता अष्ट्रेलियन ओपनको १८ वर्षे यात्रामा सेरेना सेमिफाइनलमा पहिलोपटक पराजित भएकी हुन्।

यो पराजयसँग उनी मार्गरेट कोर्टको कीर्तिमानीसँग बराबरी गर्न पुनः एकपटक चुकेकी छन्। 

सेरेनाले २३ ग्राण्डस्लम जितेकी छन् भने कोर्टले २४ ग्राण्डस्ल जितेको रेकर्ड बनाएकी छन्।

अब उनले उक्त कीर्तिमानीसँग बराबरी गर्न एक ग्राण्डस्लमको उपाधि पर्खनुपर्ने छ।