महिला लिगमा विभागीय डर्बीको भिडन्त

काठमाडौं- महिला लिग अन्तर्गत आज (बुधबार)को खेलमा विभागीय डर्बी नेपाल  पुलिस क्लब र त्रिभुवा आर्मी फुटबल क्लब भिड्दैछन्।

सातदोबाटोस्थित एन्फा कप्लेक्समा १२ बजे सुरु हुने खेलमा विभागीय डर्बी भिड्न लागेका हुन्।

२५ अंकसहित दोस्रो स्थानमा रहेको आर्मीले दोस्रो स्थान पक्का गरिसकेको छ। साथै ऊ शीर्षस्थानको एपीएफसँग उपाधिको भिडन्तमा छ।

तर आजको खेलमा आर्मीले हार बोहोरेको खण्डमा भने एपीएफ स्वत विजेता बन्नेछ। यसकारण आजको खेल आर्मीलाई उपाधि होडमा रहनका लागि महत्वपूर्ण छ।

त्यस्तै पुलिसका लागि पनि आजको खेल उत्तिकै महत्वपूर्ण छ। किनभने पछिल्लो खेलमा सशस्त्र प्रहरीको एपीएफ क्लबसँग हार बेहोरेको पुलिस क्लब अंकतालिकाको पाँचौ स्थानमा छ।

यसकारण उसलाई शीर्ष तीनमा रहनको लागि आजको खेलमा जित निकाल्नुपर्ने छ। अंकतालिकाको तेस्रो स्थानमा विराट नगर र चौथो स्थानमा वालिङ छ।

तर तुलनात्मक रुपमा यि दुई क्लबभन्दा बलियो मानिएको विभागीय टिम पाँचौ स्थानमा रहेकाले उसलाई माथि उक्लिनैपर्ने दबाब छ।

त्यसैले पुलिस आजको खेलमा आर्मीलाई हराउँदै तेस्रो स्थानमा उक्लिन चहान्छ। तर उसको दोस्रो स्थानको यात्रा भने समाप्त भइसकेको छ।