महिला लिगमा चन्द्रपुर र आर्मी भिड्दै

राष्ट्रिय महिला लिगअन्तर्गत आज (आइतबार)को खेलमा चन्द्रपुर नगरपालिका र विभागीय टिम त्रिभुवन आर्मी फुटबल क्लब भिड्दैछन्।

नेपाल समय | आइतबार, फागुन २, २०७७

नेपाल समय

आइतबार, फागुन २, २०७७

काठमाडौंं – राष्ट्रिय महिला लिगअन्तर्गत आज (आइतबार)को खेलमा चन्द्रपुर नगरपालिका र विभागीय टिम त्रिभुवन आर्मी फुटबल क्लब भिड्दैछन्।

सातदोबोटोस्थित एन्फा कम्प्लेक्समा आर्मी र चन्द्रपुरको खेल दिउँसो २ बजे सुरु हुनेछ।

आजको खेलमा जित निकाल्दै आर्मी शीर्षस्थानको एपीएफसँग अंक दूरी घटाउने दाउमा हुनेछ भने चन्द्रपुर अंक सुधार गर्ने दाउमा हुनेछ।

पहिलो लेगको खेलमा आर्मीकी शर्मिला थापा र रश्मी घिसिङले समान ४÷४ गोल गरेपछि आर्मीले चन्द्रपुरविरुद्ध १०-० गोलको जित निकालेको थियो। सो जितका साथ आर्मी दोस्रो स्थानमा उक्लिएको थियो।

उपाधि दाबेदारका रूपमा रहेको आर्मीले लगातार जित निकालिरहेको छ भने चन्द्रपुरले जितको लय समाउन सकेको छैन।

प्रकाशित: Feb 14, 2021| 03:25 आइतबार, फागुन २, २०७७