राष्ट्रिय क्रिकेट टिमको दोस्रो चरणको बन्द प्रशिक्षण आजबाट

काठमाडौं– नेपाल क्रिकेट संघ(क्यान)ले आज(आइतबार)बाट राष्ट्रिय क्रिकेट टिमको दोस्रो चरणको बन्द प्रशिक्षण सुरु गर्दैछ।  

पहिलो चरणको प्रशिक्षणमा २१ खेलाडी बोलाएर बन्द प्रशिक्षण सुरु गरेको क्यानले आजबाट दोस्रो चरणको अभ्यास सुरु गर्न लागेको हो। 

पहिलो र दोस्रो चरणको प्रशिक्षणका लागि क्यानले पहिले ३२ खेलाडीलाई बेलाएको थियो। जसमा २१ खेलाडी पहिलो चरणमा समावेश गराइएको थियो भने दोस्रो चरणका लागि ११ सिनियर खेलाडीको छनोट गरेर बोलाइएको हो। 

पहिलो चरणमा समावेश भएका खेलाडीबाट क्यानको छनोट समितिले नौ खेलाडी छनोट गरेर दोस्रो चरणका लागि २० खेलाडीलाई बन्द प्रशिक्षणमा बोलाएको छ।

सोही २० खेलाडीको बन्द प्रशिक्षण आजबाट कीर्तिपुरस्थित टियू मैदानमा सुरु भएको हो।

प्रशिक्षणका लागि सुरुमा बोलाइएका आरिफ शेख चोटका कारण रेस्टमा रहेकाले सो स्थानमा बसन्त रेग्मीलाई बोलाइएको क्यानले बताएको छ।

तर, नेपाली राष्ट्रिय टोलीले आगामी मार्चमा खेल्ने लिग २ अन्तर्गतको अमेरिका, ओमन र नेपाल सिरिज भने स्थगित भएको छ। 

अन्तर्राष्ट्रिय क्रिकेट काउन्सिलले भ्रमण अवरोधका कारण प्रतियोगिता स्थिगित गराएको हो।

 प्रशिक्षणमा सम्मिलित खेलाडी

पारख खड्का, ज्ञानेन्द्र मल्ल, सन्दिप लामिछाने, सोमपाल कामी, करण केसी, कुसल मल्ल, दिपेन्द्र सिंह ऐरी, शरद भेषाकवर, अभिनास बोहरा, कमलसिंह ऐरी, आसिफ शेख, शुसन भारी, कुशल भुर्तेल, ललित राजवंशी, बिक्रम शोब, सन्दिप जोरा, पृथु बास्कोटा, सहबाब आजम र बसन्त रेग्मी