कोपा इटालियाको फाइनलमा युभेन्टसलाई एटलान्टाको चुनौति

काठमाडौं- नापोलीलाई हराउँदै एटलान्टा कोपा इटालियाको फाइनलमा प्रवेश गरेको छ। यससँगै अब उसले फाइनलमा युभेन्टसको सामना गर्ने छ। 

फाइनल यात्रा तय गर्ने क्रममा नापाेलीलाई एलटान्टाले समग्र ३–१ गोलको नजितामा हराएको थियो।

सेमिफाइनल अन्तर्गत पहिलो लेगको खेलमा नापोली एटलान्टासँग गोलरहित बराबरीमा रोकियो। 

तर दोसो लेगको खेलमा नापोली ३–१ गोलले स्तब्ध भएपछि एटलान्टाले जित आफ्नो हातमा पारेको हो।

यसका साथै पराजित टिम नापोलीको कोपा इटालियाको यात्रामा बिराम लागेको छ।

अब मे १९ मा हुने फाइनल खेलमा एटलान्टाले उपाधिका लागि युभेन्टससँग प्रतिस्पर्धा गर्नेछ।

उपाधि दाबेदार युभेन्टसले सेमिफाइनलमा इन्टर मिलानलाई पराजित गर्दै फाइनल प्रवेश गरेको थियो।

सो क्रममा उसले २–१ गोलको समग्र जित निकाल्यो। पहिलो लेगको खेलमै २–१ ले युभेन्टस अघि रहेकोमा दोस्रो लेगको खेलमा भने गोलरहित बराबरी भएको थियो।

यसकारण पहिलो लेगको नजिता नै सेमिफाइनलको निर्णायक बन्यो।