टेनिसमा आरभ र अकीको सफल सुरुआत

काठमाडौं– नेपालका आरभसम्राट हाडा र अकी जुवेन रावतको जोडीले इन्टरनलेशनल टेलिनस फेडेरेसन (आईटीएफ) वर्ल्ड टेनिस टुर–जे ५ अन्तर्गत दोश्रो सर्किटको पुरुष डबल्समा जित हात पारेका छन्।

सातदोबाटोस्थित टेनिस कोर्टमा आज (मंगलबार) उक्त जोडीले भारतका सार्थक शर्मा र जैश्नभ सिन्धेको जोडीलाई सोझो सेटमा पराजित गरे।

पहिलो खेलमा ६–४ को जित निकालेका हाडा र रावतले दोस्रो खेलमा पनि ६–३ को जित निकाल्न सफल भए।

जारी प्रतियोगिताको सर्किट १ मा आरभ र अकीको जोडी उपविजेता बनेको थियो। सोही स्पर्धामा नेपालका प्रणव मानन्धर र चिराग तिमिल्सिना, निशान श्रेष्ठ र निहालजंग बहादुर थापा तथा सम्यकभूषण वज्राचार्य र आर्यन गिरीको जोडी पराजित भए।

महिला डबल्समा नेपालका प्रेरणा कोइराला र सलोनी तामाङको जोडीले सफलता पाए। उक्त जोडीले भारतका कृष्टि बोरो र लक्ष्मी गौदको जोडीलाई ३–६, ६–३ (१०–६) को सेटमा हराए।

त्यसै स्पर्धामा सर्किट १ विजेता नेपालकी अभिलाषा विष्ट जर्मनीकी सोन्जा भारतका हिट्भी चौधरी र पवित्रा पारिखको जोडीसंग ६–४ र ६–३ ले चुके।

त्यस्तै नेपालका इशाश्री शाह र सर्वानी श्रेष्ठ, अजा रेग्मी र शुभाङ्गीलक्ष्मी शाह तथा इभा अधिकारी र श्रेया भट्टराईको जोडीले आ–आफ्नो खेल गुमाए। सिंगल्सको पुरुषमा नेपालका सम्यकभूषण वज्राचार्य तथा महिलामा नेपालका प्रेरणा कोइराला र सलोनी तामाङको जोडीले आ–आफ्नो प्रतिद्वन्द्वीलाई नतिजा सुम्पे।