तेक्वान्दोको एसियन छनोट खेल स्थगित

यही वर्ष जापानमा आयोजना हुने टोकियो ओलम्पिक र पारा ओलम्पिकअन्तर्गत तेक्वान्दोको एसियाली छनोटका खेल स्थगित भएको छ।

नेपाल समय | सोमबार, माघ २६, २०७७

नेपाल समय

सोमबार, माघ २६, २०७७

काठमाडौं- यही वर्ष जापानमा आयोजना हुने टोकियो ओलम्पिक र पारा ओलम्पिकअन्तर्गत तेक्वान्दोको एसियाली छनोटका खेल स्थगित भएको छ।

आगामी मार्च २६ देखि २८ सम्म जोर्डनको अम्मानमा तय भएको छनोट खेल कोरोना भाइरसको महामारीका कारण दुई महिना पर सारिएको नेपाल तेक्वान्दो संघले जनाएको छ।

संघका अनुसार एसियाली छनोटका खेल आगामी मे १४ देखि १६सम्म जोर्डनको अम्मानमै हुने गरी स्थगित गरिएको छ।

सन् २०२० मा तय भएको ओलम्पिक खेलकुद कोरोना भाइरसको महामारीका कारण सन् २०२१ जुलाई २३ देखि अगस्ट ८ सम्म आयोजना हुँदैछ। ओलम्पिक खेल सकिएको एक महिनापछि जापानमै पारा ओलम्पिक हुनेछ।

प्रकाशित: Feb 08, 2021| 14:20 सोमबार, माघ २६, २०७७