तेस्रो स्थानको विराटनगरमाथि चन्द्रपुरको साँघुरो जित

राष्ट्रिय महिला लिग अन्तर्गत आज सम्पन्न पहिलो खेलमा चन्द्रपुर नगरपालिकाले साँघुरो जित निकालेको छ।

नेपाल समय | आइतबार, माघ २५, २०७७

नेपाल समय

आइतबार, माघ २५, २०७७

तेस्रो स्थानको विराटनगरमाथि चन्द्रपुरको साँघुरो जित

काठमाडौं– राष्ट्रिय महिला लिग अन्तर्गत आज सम्पन्न पहिलो खेलमा चन्द्रपुर नगरपालिकाले साँघुरो जित निकालेको छ।

सातदोबाटोस्थित एन्फा कम्प्लेक्समा सम्पन्न खेलमा चन्द्रपुरले विराटनगर महानगरपालिकाविरुद्ध १–० गोलको जित निकालेको हो।

खेलको पहिलो हाफमा दुवै टिमले गोल गर्न नसकेपछि गोलरहित बराबरीमा रोकिएको थियो। तर दोस्रो हाफमा चन्द्रपुरकी रजनी थोकरले निर्णायक गोल गर्दै चन्द्रपुरलाई जित दिलाइन्।

दोश्रो लेगको पहिलो जितसँगै चन्द्रपुरले तालिकामा ६ अंक बनाएको छ। उसले लिगमा २ जित निकालेको छ। यता विराटनगरले लिगमा तेस्रो हार बेहोरेको छ।

उसले लिगमा तीन जितसहित १० अंक जोडिसकेको छ। पहिलो लेगको खेलमा विराटनगरले चन्द्रपुरलाई ५–० गोलको जित निकालेको थियो।

प्रकाशित: Feb 07, 2021| 10:19 आइतबार, माघ २५, २०७७