सहारा एकेडेमीलाई कांग्रेस केन्द्रीय खेलकुद विभागको सहयोग 

पोखरा- नेपाली कांग्रेस केन्द्रीय खेलकुद विभागले पोखराको सहारा एकेडेमीलाई खेलकुद सामग्रीका साथमा मास्क हस्तान्तरण गरेको छ।

विभाग प्रमुख तथा पूर्व सञ्चारमन्त्री मोहनबहादुर बस्नेतसहितको टोलीले बिहीबार सहारा क्लबका अध्यक्ष केशवबहादुर थापालाई ती सामग्री प्रदान गरे। 

२५ वटा बल एन ९५ मास्क १ हजार ५०० वटा सहयोग गरेको विभागले जनाएको छ। उक्त अवसरमा प्रमुख बस्नेतसहितको टोलीले एकेडेमीको निरीक्षणसमेत गरेको छ। 

अखिल नेपाल फुटवल संघ (एन्फा) का वरिष्ठ उपाध्यक्ष पंकज नेम्वाङले क्लबको एकेडेमी अभियानमा एन्फा र सरकारी निकायबाट समेत थप सहयोग उपलब्ध गराउन आवश्यक पहल गर्ने आश्वासन दिए। 

नेपालको नाम राखेको क्लबलाई हालसम्म एन्फाबाट खासै सहयोग नभएकोमा गुनासो गर्दै अब सहयोग गर्ने वातावरण सिर्जना गर्ने उनले जनाए।

उनले सामाजिक क्षेत्रमा समेटेर राम्रो अभियान थालेको क्लबले नेपालकै नमुना एकेडेमीका रुपमा काम गरेकोमा क्लबको अभियानलाई सबैले साथ र सहयोग गर्नुपर्ने बताए।

क्लवका संस्थापक अध्यक्ष वसन्त थकालीले स्वागतसहित क्लबको बारेमा जानकारी गराए।