कोरोनाको खोप पोखरा वृद्धाश्रममा

पोखरा वृद्धाश्रममा आश्रित वृद्धवृद्धालाई कोरोना भाइरसको खोप लगाइएको छ।

नेपाल समय | बुधबार, माघ २१, २०७७

नेपाल समय

बुधबार, माघ २१, २०७७

पोखरा– पोखरा वृद्धाश्रममा आश्रित वृद्धवृद्धालाई कोरोना भाइरसको खोप लगाइएको छ। बुधबार पोखरा वृद्धाश्रममा खोप लगाइएको जनस्वास्थ्य कार्यालयका कार्यालय प्रमुख बाबुराम आचार्यले बताए।

ज्येष्ठ नागरिकहरुको स्वास्थ्य रक्षाका लागि प्राथमिकतामा राखेर खोप लगाइएकोमा खुशी व्यक्त गर्दै राष्ट्रिय ज्येष्ठ नागरिक महासंघका केन्द्रीय सदस्य तथा पोखरा वृद्धाश्रमका अध्यक्ष कुसुम केशव पराजुलीले खोपको प्रभावकारिता बारे हेर्नुपर्ने राय व्यक्त गरे।

पोखरा वृद्धाश्रममा रहेका ज्येष्ठ नागरिक आमाबुवाहरुका अतिरिक्त आश्रममा कार्यरत स्वास्थ्यकर्मी, स्याहारकर्ता, सेवकसेविका, स्वयंसेवीसहित ४० जनाले खोप सेवा लिएको जानकारी आश्रमका स्वास्थ्य सहायक कुमारी कुमालले जनाएकी छन्।

प्रकाशित: Feb 03, 2021| 11:49 बुधबार, माघ २१, २०७७