महिला लिग : पहिलो हाफमा आर्मीलाई ८ गोलको अग्रता
काठमाडौं – राष्ट्रिय महिला लिगअन्तर्गत (बुधबार) जारी खेलमा त्रिभुवन आर्मी क्लब र चौदण्डी गढी नगरपालिका प्रतिस्पर्धा गरिरहेका छन्।
सातदोबाटोस्थित एन्फा कम्प्लेक्समा जारी खेलमा आर्मीले पहिलो हाफमा ८–० गोलको अग्रता बनाएको छ।
आक्रामक प्रदर्शनमा उत्रिएको आर्मीकी हेमा चौधरीले तेस्रो मिनेटमै गोल गरेकी थिइन्।
छैटौं मिनेटमा शर्मिला थापाले गोल गरिन् भने आठौं मिनेटमा अञ्जली वाइबाले टिमका लागि तेस्रो गोल गरिन्।
१० मिनेटमै ३–० गोलले अघि रहेको आर्मीकी शर्मिलाले १३ औं मिनेटमा व्यक्तिगत दोस्रो गोल गरेकी थिइन्।
दबाबमा रहेको चौदण्डीले १५ औं मिनेटमा निता राईको ठाउँमा पूर्णमाया राईलाई मैदान प्रवेश गराएको थियो। तर पनि चौदण्डी खेलमा जम्न सकेन।
२३ औं मिनेटमा गोल गर्दै शर्मिलाले ह्याट्रिक पूरा गरिन्। थापाले नै २९ औं मिनेटमा गोल गर्दै टिमलाई ६–० गोलको अग्रता दिलाइन्।
२८ औं मिनेटमा चौदण्डीले युनिका राईको ठाउँमा सन्ध्या रम्तेललाई मैदान प्रवेश गरायो। तर पनि टिमका तर्फबाट कुनै गोल हुन सकेन।
आर्मीकी ३० औं मिनेटमा विमला चौधरीले सहज गोल गरिन् भने शर्मिलाले व्यक्तिगत पाँचौं गोल गरिन्।
चौदण्डीलाई पछिल्लो खेलमा सशस्त्र प्रहरीको विभागीय टिम एपीएफले २२–० गोलअन्तरले हराएको थियो।
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com