शुक्रबार, मंसिर १६, २०७९

ओली नहटेसम्म सत्ता सहकार्यबारे छलफल हुँदैन : देव गुरुङ 

प्रमुख सचेतक, माओवादी केन्द्र
बीपी अनमोल  |  काठमाडौं, मंगलबार, चैत १०, २०७७

बीपी अनमोल

बीपी अनमोल

मंगलबार, चैत १०, २०७७, काठमाडौं

नेपाल समय

प्रधानमन्त्री केपी शर्मा ओलीले संसद् विघटन गरेर प्रतिगमन गरेको भन्दै राजीनामा माग गरेको नेकपा माओवादी केन्द्रले सरकारलाई दिएको समर्थन भने फिर्ता लिन सकेको छैन। प्रधानमन्त्रीको राजीनामा माग्ने तर सरकारलाई दिएको समर्थन कायमै राखेको विषयमा माओवादी केन्द्रका प्रमुख सचेतक देव गुरुङसँग बीपी अनमोलले गरेको संक्षिप्त कुराकानी :  

तपाईंहरूले सरकारलाई दिएको समर्थन किन फिर्ता नलिनुभएको हो? 

प्रधानमन्त्री केपी शर्मा ओलीले राजीनामा दिनुपर्छ भन्ने निर्णय यथावत् छ। समर्थन फिर्ता लिने र नलिने विधिको कुरा हो। राजीनामा दिनुपर्नेचाहिँ राजनीतिक विषय भयो। संसद् भंग गरेपछि उहाँले स्वतः राजीनामा दिनुपर्थ्याे। प्रतिनिधिसभा भंग हुने तर प्रधानमन्त्री भइरहने भन्ने हुँदैन। 

ओली त कामचलाउमा पनि जानु भएन। तर सरकार अहिले पनि कामचलाउ हो। सर्वोच्च अदालतले सरकार पुनःस्थापना गरेको होइन। विधि मान्ने हो भने त यो भन्दा ठूलो के चाहिन्छ र? विधि नमानेपछि के लाग्यो? एकछिन मान्नुस्, उहाँ विधिबाट उहाँ हट्नुहोला रे। तर, उहाँको चिन्तन त जसरी पनि संसद् भंग हुनुपर्छ भन्ने छ। हामी संविधान र संसद् जोगाउन चाहिरहेका छौं। 

उहाँले राजीनामा दिने संकेत नै गर्नुभएको छैन। तपाईंहरूले मागेर मात्र हुन्छ र?

नैतिकता पालना गर्ने–नगर्ने उहाँको कुरा हो। यसको जवाफदेही पनि उहाँ नै हो। सर्वोच्चले प्रतिनिधिसभा पुनःस्थापना गरिसकेपछि उहाँलाई अरूले राजीनामा देऊ भनिरहनै पर्दैन।

सत्ता सहकार्यका विषयमा कांग्रेस र जसपासित पटक–पटक छलफल भए पनि टुंगोमा पुग्न नसक्नुको कारण?

प्रधानमन्त्री ओलीले राजीनामा दिएर ठाउँ रिक्त भएपछि मात्र विकल्पमा छलफल हुन्छ। उहाँले ठाउँ रिक्त नगरेको अवस्थामा विकल्प दिन सक्ने अवस्था रहँदैन। उहाँ जबरजस्ती कुर्सीमा बसिरहनुभएको छ। राजीनामा नदिएर प्रधानमन्त्रीले नै समस्या खडा गरिरहनुभएको छ।  त्यसैले अरूले जति छलफल र वार्ता गरे पनि केही अर्थ रहँदैन। सदन र संविधानको रक्षा गर्न दलहरूबीच सहमति हुनुपर्‍यो भन्ने मेरो भनाइ हो। 

अविश्वासको प्रस्ताव दर्ता गरेपछि प्रधानमन्त्री स्वतः अल्पमतमा पर्दैनन् र?

त्यो त दलहरुले सोच्ने कुरा भयो। फेरि त्यो बाध्यकारी बाटो पनि हो। हामीले चाहेको त संविधान र संसद्को रक्षा हो। प्रधानमन्त्री ओली प्राविधिक हिसाबले त हट्नुहोला तर संसद्मा संविधान विरोधी र संसद् विरोधी शक्ति रहिरह्यो भने सुरक्षित हुँदैन। 

प्रधानमन्त्रीले राजीनामा नै नदिएपछि निकास कसरी निस्किएला?

ओलीलाई पदबाट हटाउन दलहरुले विभिन्न उपाय अवलम्बन गर्नुपर्छ। हामी पनि सबैसित छलफल र परामर्श गरेर नै अगाडि बढ्नेछौं। 

माओवादी केन्द्रका मन्त्रीहरूलाई स्पष्टीकरण सोध्नुभएको थियो तर, कारबाही प्रक्रिया त अघि बढेको छैन नि?

हामीले स्पष्टीकरण सोध्ने निर्णय गरेका थियौं। त्यसको जवाफ आएको छैन। अब पार्टीमा छलफल भएर उपयुक्त निर्णय हुन्छ। 
 

कांग्रेस र माओवादी निर्णयको चाबी जसपाको हातमा


प्रकाशित: March 23, 2021 | 11:40:00 काठमाडौं, मंगलबार, चैत १०, २०७७

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
संवाद

सरकार कांग्रेसकै नेतृत्वमा बन्छ, जनताको चाहनालाई केन्द्रमा राख्ने छौं : प्रकाशशरण महत [अन्तरवार्ता]

नयाँ पीढीको अपेक्षामा खरो उत्रिनुपर्ने देखियो। पार्टी, व्यक्तिको लाभहानीभन्दा माथि उठेर देश र जनताको लाभ हानीमा ध्यान केन्द्रित गर्नुपर्छ। उच्च कर्तव्यनिष्ठताका साथ रातदिन आफ्नो जिम्मेवारीप्रति पूर्ण जिम्मेवार भएर काम गर्नुपर्छ। त्यसपछि यो निराशाको माहौल हटेर हामीप्रति विश्वासको वातावरण बन्ने छ।
नेपाल समय
संवाद

मतदानको निष्पक्षतामा असर पार्ने जो कोहीलाई पनि कारबाही हुन्छ : दिनेशकुमार थपलिया [अन्तर्वार्ता]

मतदान शुरू हुने दिनभन्दा ४८ घण्टा अघिदेखि अर्थात आज राति १२ बजेदेखि मतगणना सम्पन्न नभएसम्म मदिरा बिक्री वितरण तथा सेवन गर्ने/गराउने कार्यलाई पूर्ण रूपले निधेष गर्ने व्यवस्था मिलाउन जिल्ला आचारसंहिता अनुगमन समिति र स्थानीय प्रशासनलाई सक्रिय बनाइएको छ।
नेपाल समय
संवाद

मकवानपुरबासीको मन र मत पाउन प्रत्यक्ष चुनावमा होमिएकी हुँः महालक्ष्मी उपाध्याय [अन्तर्वार्ता]

मैले सांसदमात्रै बन्न उम्मेदवारी दिएकी होइन। सांसद बन्नकै लागि भए समानुपातिकको पहिलो नम्बरमा बस्थें। नेताहरूले समानुपातिकको सूचीमा बस्न आग्रह गरे पनि प्रत्यक्षतर्फ नै उम्मेदवार बन्ने अठोट लिएर मकवानपुरबासीको मन र मत पाउन चुनावी मैदानमा होमिएकी हुँ।
नेपाल समय
संवाद

शेरबहादुरजीले विश्राम लिनुपर्छ, प्रधानमन्त्री म बन्छु : शशांक कोइराला

मान्छेले राजनीति किन गर्छ? राजनीति गरिसकेपछि सबैभन्दा माथिल्लो तलामा जाने चाहना हुन्छ। त्यो चाहना मेरो पनि छ। म प्रधानमन्त्रीको बलियो उम्मेदवार पनि हो। पार्टीभित्र कुरा भइसकेको छैन तर म प्रधानमन्त्री बन्न बलियो दाबी गर्ने व्यक्ति हुँ।
नेपाल समय
संवाद

दलका घोषणापत्र बनाउने अर्थविद् लेखनदास मात्रै हुन् : डा. विमल कोइराला [अन्तर्वार्ता]

राजनीतिक दलले जारी गरेका घोषणापत्र वाचाकबुल र आश्वासन दिने तर काम नगर्नेहरूको फेहरिस्त मात्र हो। राजनीतिक दलहरूका बीचमा कति हावादारी गफ लेख्ने भन्ने प्रतिस्पर्धा चलिरहेको छ। जसले बढी हावादारी कुरा घोषणापत्रमा लेख्छ, उही जनताको बीचमा लोकप्रिय हुन्छ भन्ने भ्रम छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना