सुदूरपश्चिम प्रदेशसभाको सातौं अधिवेशन माघ २६ गतेदेखि

सुदूरपश्चिम प्रदेशसभाको हिउँदे अधिवेशन यही माघ २६ गतेदेखि सुरु हुने भएको छ।

नेपाल समय | आइतबार, माघ १८, २०७७

नेपाल समय

आइतबार, माघ १८, २०७७

सुदूरपश्चिम प्रदेशसभाको सातौं अधिवेशन माघ २६ गतेदेखि

धनगढी– सुदूरपश्चिम प्रदेशसभाको हिउँदे अधिवेशन यही माघ २६ गतेदेखि सुरु हुने भएको छ।

सुदूरपश्चिम प्रदेशको मन्त्रिपरिषद् बैठकले माघ २६ गते सातौं अधिवेशन आहृवान गर्न प्रदेश प्रमुखलाई सिफारिस गर्ने निर्णय गरेको हो।

मन्त्रिपरिषद्को बैठकले निर्णय गरेपछि प्रदेश प्रमुखले अधिवेशन आहृवान गर्ने संवैधानिक व्यवस्था छ।

गत साउन ३१ गते प्रदेश सभाको छैटौं एवम् बजेट अधिवेशन अन्त्य भएको थियो। छैटौँ अधिवेशनसम्म प्रदेश सभामा दर्ता भएका ४४

विधेयकमध्ये ४२ विधेयक पारित भएका छन्। संविधानमा भएको व्यवस्था अनुसार एउटा अधिवेशनको समाप्ति र अर्को अधिवेशनको प्रारम्भका बीचको अवधि ६ महिनाभन्दा बढी हुन हुँदैन।

सो व्यवस्थाअनुसार सुदूरपश्चिम प्रदेशसभाको अधिवेशन माघ महिनाभित्रै आह्वान गरिसक्नुपर्ने कानुनी बाध्यता थियो।

प्रकाशित: Jan 31, 2021| 12:24 आइतबार, माघ १८, २०७७