काठमाडौं– चितवनमा निर्माणाधीन रंगशाला निर्माणको लागि मैत्रीपूर्ण प्रतियोगिता हुने भएको छ। रकम अभावका कारण काम रोकिने अवस्था आएपछि खेलाडी र कलाकारबीच मैत्रीपूर्ण खेल हुने भएको हो।
खेलको आयोजना गृष्मा ब्रोडकास्टिङले गर्ने भएको छ। प्रतियोगिताको बारेमा गायक प्रमोद खरेलले सामाजिक सञ्जालमा जानकारी दिएका छन्। उनी धनगढी प्रिमियर लिग (डीपीएल)का सद्भावना दूत पनि हुन्।
प्रतियोगिता यही माघ २४ गते हुन लागेको हो। निर्माणाधीन गौतमबुद्ध क्रिकेट रंगशालाको नमुना मैदानमा यसअघि नै तीन टिम सम्मिलित एक प्रतियोगिता सम्पन्न भएको छ। त्यस्तै, समय–समयमा खेलाडी र कलाकारबीच च्यारिटी म्याच हुँदै आएको छ।