सावित्राको २ गोलमा एपीएफको लगातार पाँचौ जित

काठमाडौं- राष्ट्रिय महिला लिगअन्तर्गत आज (शनिबार) सम्पन्न दोस्रो खेलमा सशस्त्र प्रहरीको विभागीय टिम एपीएफले पाँचौ जित निकालेको छ।

सातदोबाटोस्थित एन्फा कम्पलेक्समा सम्पन्न खेलमा उसले वालिङ नगरपालिकाविरुद्ध ३–० गोलको जित निकालेको हो।
एपीएफको जितका लागि फरवार्ड सावित्रा भण्डारीले दुई गोल गरिन् भने प्रिती राईले एक गोल गरिन्।

भण्डारीले खेलको १३ औं मिनेटमा गोल गर्दै एपीएफलाई सुरुवाती अग्रता दिलाएकी थिइन्। यससँगै लिग लिडर एपीएफ पहिलो हाफमा १–० गोलले अघि रह्यो।

दोस्रो हाफको ७१ औं मिनेटमा प्रीति राईले एपीएफको अग्रतालाई दोब्बर बनाइन्। ७५ औं मिना भण्डारीले जितलाई ३–० गोलमा पुर्‍याउन व्यक्तिगत दोस्रो गोल गरिन्।

बलिङविरुद्ध सहज जितसँगै एपीएफले अंकतालिकामा दोस्रो स्थानको विभागीय क्लब आर्मीसँग ८ अंकको अग्रता बनाएको छ।

एक खेल कम खेलेको आर्मी ७ अंकका साथ दोस्रो स्थानमा छ। त्यस्तै, समान ७ अंक बनाएको विराटनगर गोलअन्तरका आधारमा पछि पर्दै तेस्रो स्थानमा छ।

आजको पहिलो खेलमा विराटनगरले चौदण्डीलाई ६–० गोलले हराएको थियो।