महिला लिगमा हेबिवेट टिमको भिडन्त

जारी राष्ट्रिय महिला लिगअन्तर्गत आजको खेलमा उपाधि दाबेदार विभागीय डर्बी प्रतिस्पर्धा गर्दैछन्।

नेपाल समय | मंगलबार, माघ १३, २०७७

नेपाल समय

मंगलबार, माघ १३, २०७७

काठमाडौैं – जारी राष्ट्रिय महिला लिगअन्तर्गत आजको खेलमा उपाधि दाबेदार विभागीय डर्बी प्रतिस्पर्धा गर्दैछन्।

सातदोबाटोस्थित एन्फा कम्प्लेक्समा आज हुने खेलमा सशस्त्र प्रहरीको विभागीय टोली एपीएफ र त्रिभुवन आर्मी फुटबल क्लब प्रतिस्पर्धामा हुनेछन्।

पछिल्लो खेलमा नेपाल आर्मी क्लबले बिमलाको ह्याट्रिक सहयोगमा ७-० गोलको जित निकालेको थियो।

यता सशस्त्र प्रहरीको एपीएफले पनि विराटनगरविरुद्ध ७-० गोलकै जित निकालेको थियो। सशस्त्र प्रहरीकी सावित्राले जारी लिगका दुवै खेलमा ह्याट्रिक गरिसकेकी छन्।

यससँगै एपीएफले दुई जितका साथ ६ अंक बनाएको छ। यता आर्मी एक खेल बराबरी खेलेको छ भने अर्को खेलमा जित निकालेको छ।

प्रकाशित: Jan 26, 2021| 02:54 मंगलबार, माघ १३, २०७७