इजरायलले नेपाली कामदारलाई स्वदेशीसरह सेवासुविधा दिने

इजरायलले नेपाली कामदारलाई पनि आफ्नै नागरिकसरह सुविधा दिने भएको छ। बिहीबार यससम्बन्धी दुई देशबीच सम्झौता भएको छ।

नेपाल समय | बिहीबार, माघ ८, २०७७

नेपाल समय

बिहीबार, माघ ८, २०७७

इजरायलले नेपाली कामदारलाई स्वदेशीसरह सेवासुविधा दिने

काठमाडौं– इजरायलले नेपाली कामदारलाई पनि आफ्नै नागरिकसरह सुविधा दिने भएको छ। बिहीबार यससम्बन्धी दुई देशबीच सम्झौता भएको छ।

सम्झौतामा वैदेशिक रोजगार विभागका महानिर्देशक कुमारप्रसाद दहाल र इजरायल सरकारको तर्फबाट नेपालका लागि इजरायलका राजदूत खनान गोडेरले हस्ताक्षर गरेका छन्। गत असोज १४ गते नेपाल र इजरायलबीच श्रमसम्झौता भएको थियो। सो सम्झौता कार्यान्वयनका लागि बिहीबार कार्यान्वयन सम्झौता भएको हो।

नेपालका लागि इजरायली राजदूत गोडेरले नेपाली र इजरायली कामदारबीच कुनै विभेद नगरिने जानकारी दिए। विभागका महानिर्देशक दाहालले सो सम्झौता इजरायल जाने कामदारको लागि कार्यविधि बनाएर लागू गरिने बताए।

प्रकाशित: Jan 21, 2021| 12:11 बिहीबार, माघ ८, २०७७