मन्त्री साहको गाडीले यसरी दिएको थियो ठक्कर, मन्त्री भन्छन् अतिरञ्जित गरियो (भिडियो)

जनकपुरधाम- आफू चढेको गाडीले सर्वसाधारणलाई ठक्कर दिएर उद्धार नै नगरी फरार भएको समाचार विभिन्न संचार माध्यममा आएपछि सहरी विकास मन्त्री प्रभु साहले आपत्ति जनाएका छन्।

आफू सवार गाडीले पैदल यात्रुलाई ठक्कर दिएर हुइँकिएको सामाचार आएपछि मन्त्री साहले त्यसको खण्डन सामाजिक सञ्जाल मार्फत् गरेका छन्। 

उनले फेसबुकमा लेखेका छन्, ‘आज रौतहटबाट महोत्तरी जाने क्रममा सर्लाहीको हरिवन चौकमा म चढेको गाड़ीबाट झुकिएर लड़ेको व्यक्तिलाई केही पनि नभएकोले ढुक्क भएर हिँडेको सामान्य विषयलाई ‘ठक्कर दिएर भागे’ भनेर मलाई बदनाम गर्ने उद्देश्यले केही अनलाइन मिडियाले अतिरञ्जित ढंगले प्रचार गर्नु र सर्लाही प्रहरीलाई मेरो यात्राबारे सम्पूर्ण जानकारी हुँदाहुँदै पनि नेपाल प्रहरीले मन्त्री प्रभु साहको गाडी ‘खुलेको’ भन्ने भ्रमपूर्ण वक्तव्य दिन गैरजिम्मेवार रूपमा प्रस्तुत भएको दुःखद विषयप्रति मेरो गम्भीर ध्यानाकर्षण भएको छ। सुरक्षा दिनु र सवारी सहजीकरण गर्नुको सट्टा सर्लाही प्रहरीले अफवाह फैलाउने काम गर्नु आपत्तिजनक छ।’

प्रहरीले मन्त्रीको गाडीले पैदल यात्रुलाई ठक्कर दिएको पुष्टि गरेकोमा प्रहरीले भ्रम फैलाउने काम गरेको मन्त्री साहले आरोप लगाएका छन्। तर हरिवनकै स्थानीय हरिष वाणियाले सीसीटीभी फुटेज सामाजिक सञ्जालमा राखेर मन्त्रीले झुठो बोलेको दाबी गरेका छन्।

भिडियाे

भिडियाे हरिष वाणिया