पाँच सयभन्दा धेरै सक्रिय संक्रमित हुने जिल्ला काठमाडौंमात्रै

काठमाडौं– नेपालमा कोरोना संक्रमितको संख्या २ लाख ६१ हजार १९ पुगेको छ। गत २४ घण्टामा ४२६ जना संक्रमित थपिएको स्वास्थ्य तथा जनसंख्या मन्त्रालयले जनाएको छ। जसमध्ये ६ हजार ४८ जना सक्रिय संक्रमित छन्। 

सक्रिय संक्रमितमध्ये काठमाडौंमा मात्रै ५ सयभन्दा धेरै सक्रिय संक्रमित रहेको मन्त्रालयको तथ्यांक छ। मन्त्रालयका अनुसार काठमाडौंमा २ हजार ८३९ जना सक्रिय संक्रमित छन्। 

कुनै समयमा दर्जनभन्दा बढी जिल्लामा ५ सयभन्दा धेरै संक्रमित पुगेकोमा हाल काठमाडौंमा मात्रै सक्रिय संक्रमितको संख्या धेरै छ। साथै हाल मुगु र महोत्तरीमा कुनै पनि सक्रिय संक्रमित नरहेको मन्त्रालयको तथ्यांक छ। 

त्यस्तै आज थपिएका संक्रमितमध्ये प्रदेश १ मा इलाम, ओखलढुंगा, धनकुटा मा १–१ जना, झापामा १६, मोरङमा १० र सुनसरीमा ६ जनामा संक्रमण पुष्टि भएको छ । प्रदेश २ को बारा र रौतहटमा १–१ जना, पर्सा, सप्तरी र सर्लाहीमा २–२ जना बागमती प्रदेशको काठमाडौंमा १ सय ३४ जना काभ्रे, दोलखा, धादिङ र सिन्धुलीमा १–१ जना, चितवनमा १३, नुवाकोटमा २, भक्तपुरमा १५, मकवानपुरमा ८, रसुवामा ११, ललितपुरमा १८ जनामा कोरोना संक्रमित फेला परेका छन्। 

त्यस्तै गण्डकी प्रदेशको म्याग्दी, नवलपरासीमा पूर्व, बागुलङ र अर्घाखाँचीमा १–१ जनामा संक्रमण पुष्टि भएको छ भने लमजुङ र स्यांजामा २–२, जना, कास्कीमा २६, गोरखा र तनहुँमा ३–३ जनामा कोरोना पुष्टि भएको छ। 

लुम्बिनी प्रदेशको प्युठान र रोल्पमा १–१ जना, बर्दिया, गुल्मी र पाल्पामा ४–४ जना, कपिलवस्तुमा ५, नवलपरासीमा ६, रुपन्देहीमा १२, दाङमा १९, र बाँकेमा २३ जनामा कोरोना पाइएको छ। 

कर्णाली प्रदेशको कालिकोट, रुकुम पश्चिम र सुर्खेतमा १–१ जना र सुदूरपश्चिम प्रदेशको कञ्चनपुरमा ११, कैलालीमा २९, डडेल्धुरा र दार्चुलामा ४–४ जना, बाजुरामा ८ जनामा कोरोना पुष्टि भएको मन्त्रालयले जनाएको छ ।