काभानीलाई तीन खेलमा प्रतिबन्ध, सिटीविरुद्धको खेल पनि गुमाउने

काठमाडौं– इंग्लिस क्लब म्यानचेस्टर युनाइटेडका फरवार्ड एडिसन काभानीलाई तीन खेलमा प्रतिबन्ध लगाइएको छ। 

उनले तीन खेल गुमाउने भएपछि जनवरी ७ मा हुने म्यानचेस्टर डर्बीसँगको काराबाओ कपको सेमिफाइनल खेल पनि गुमाउने भएका हुन्।

३३ वर्षे उरुग्वेयन फरवार्डलाई फुटबल एसोसिएसनले असिस्ट शब्द प्रयोग गरेका कारण एक लाख पाउन्ड जरिवानासहित तीन खेलको प्रतिबन्ध लगाएको हो।

उनले आज (शुक्रबार) नयाँ वर्षको दिन एस्टोन भिल्लाविरुद्ध, आउँदो विहीबार सिटीविरुद्ध र जनवरी १० मा वाटफोर्डविरुद्धको खेलसमेत गुमाउने छन्।

युनाइटेडले प्रिमियर लिगमा भिल्लासँग खेल्नेछ भने एफए कपमा वाटफोर्डसँग खेल्ने तय भएको छ। अब उनले ती खेल गुमाउने छन् भने फुटबल एसोसिएसनलाई एक लाख पाउन्ड जरिवान बुझाउनु पर्नेछ।

उनले गत २९ नोभेम्बरमा साउथह्याम्टनविरुद्ध गोल गरेपछि सामाजि सञ्जाल इन्स्टाग्राममा अरुलाई होच्याउने अभिप्रायले एक पोस्ट गरेका थिए।

तर उनले पोस्ट लगत्तै डिलिट गरेका भए पनि पछि सोबारे माफी मागेका थिए। तर अब उनले प्रतिबन्ध र जरिवानासहित एउटा शैक्षिक कार्यक्रममा पनि सहभागी बन्नुपर्ने छ।