पीएसजीको सानदार जितपछि प्रशिक्षक टुचेल बर्खास्त

काठमाडौं– फ्रेन्च क्लब पेरिस सेन्ट जर्मेन (पीएसजी)ले मुख्य प्रशिक्षक थोमस टुचेललाई बर्खास्त गरेको छ। क्लबमा साढे दुई वर्षको कार्यकालपछि साविक लिग वान विजेताले मुख्य प्रशिक्षक टुचेललाई बर्खास्त गरेको हो।

सिजनमा खराब सुरुवात गरेको पीएसजी जारी सिजनमा पनि तेस्रो स्थानमा छ। साथै क्लबका निर्देशकसँगका उनको असहमति भएपछि क्लबले उनीबारे गम्भीर निर्णय लिएको हो।

उनको प्रशिक्षणमा बुधबार राति मात्र क्लबले स्ट्रासबर्गविरुद्ध ४–० गोलको जित निकालेको थियो।

पीएसजीका प्रशिक्षक नासर अल खिलाफी च्याम्पियन्स लिगमा विजेता बन्न चहान्छन्। तर टुचेलको टिम गत वर्षको च्याम्पियन्स लिगमा जर्मन क्बल बायर्न म्युनिखसँग पराजित भएको थियो।

त्यस्तै, फ्रान्सको शीर्ष फुटबल लिग वानमा पीएसजीले १७ खेल खेल्दै ११ जित निकालेको छ। यसकारण अंकतालिकाको शीर्ष तीनमा पनि पेचिलो प्रतिस्पर्धा छ।

बुधबार रातिको खेलमा पीएसजीले जित निकाले पनि ऊ तेस्रो स्थानमा छ।

त्यस्तै, गएराति नै भएको अर्को खेलमा शीर्षस्थानको लिल्लले मोन्टेपिलरलाई ३–२ गोलले हराएको छ भने दोस्रो स्थानको लियोनले नान्टेसलाई ३–० गोलले हराएको छ।

अंकतालिकामा लिल्ल र लियोनको समान ३६ अंक हुँदा पीएसजीको ३५ अंक छ। चौथो स्थानको रेन्निसको भने ३१ अंंक छ। सबैले १७ खेलमा सहभागिता जनाएका छन्।