पीएसजीको फराकिलो जितसँगै शीर्ष तीनमा कडा टक्कर

काठमाडौं– साविक विजेता पेरिस सेन्ट जर्मेन(पीएसजी)ले फ्रेन्च लिग वानमा सानदार जित निकालेको छ।

बुधबार राति घरेलु मैदानमा भएको खेलमा पीएसजीले स्ट्रासबर्गविरुद्ध ४–० गोलको फराकिलो जित निकालेको हो।

जितका लागि टिमोथी पेम्बेले, केलियन एम्बाप्पे, इड्रिसा गुएउ र मोइसे किनले गोल गरे। खेलको १८ औं मिनेटमा मिडफिल्डर पेम्बेलेले गोल गर्दै पीसएसजीलाई अग्रता दिलाए।

उनले बनाएको अग्रतामै पहिलो हाफ सकिए पनि दोस्रो हाफमा पीएसजील तीन गोल थप्यो।

दोस्रो हाफको ७९ औं मिनेटमा डिमारियाको पासलाई उपयोग गर्दै एम्बाप्पेले अग्रता दोब्बर बनाए भने गुएउले ८८ औं मिनेटमा अग्रता तेब्बर बनाइहाले।

खेलको अतिरिक्त समयमा किनको गोले पीएसजीको ४–० गोल अन्तको जित निर्धारण गर्यो।

जितसँगै पीएसजीले अंकतालिकाको तेस्रो स्थानमा पकड बनाएको छ। यता पराजित स्ट्राबर्ग १४ अंकका साथ १७ औं स्थानमा छ।

गएरातिनै भएको अर्को खेलमा शीर्षस्थानको लिल्लले मोन्टेपिलरलाई ३–२ गोलले हराएको छ भने दोस्रो स्थानको लियोनले नान्टेसलाई ३–० गोलले हराएको छ।

अंकतालिकामा लिल्ल र लियोनको समान ३६ अंक हुँदा पीएसजीको ३५ अंक छ। चौथो स्थानको रेन्निसको भने ३१ अंंक छ। सबैले १७ खेलमा सहभागिता जनाएका छन्।