कारबाओ कप : आर्सनललाई हराउँलै म्यानचेस्टर सिटी सेमीफाइनलमा 

काठमाडौं– इंग्लिस फुटबल लिगको काराबाओ कपमा आर्सनललाई हराउँदै म्यानचेस्टर सिटी सेमीफाइनलमा प्रवेश गरेको छ।

आर्सनलको घरेलु मैदान इमिरेट्स रंगशालामा सम्पन्न खेलमा सिटीले घरेलु टिमलाई नै ४–१ गोलले हराउँदै सेमीफाइनल प्रवेश गरेको हो।

सिटीको जितका लागि ग्याब्रियल जिससले सुरुवाती गोल गरे। उनले खेलको तेस्रो मिनेटमा गोल गर्दै सिटीलाई अग्रता दिलाए पनि ३१ औं मिनेटमा आर्सनलका अजेक्जेन्डर लकाजाट्टेले गोल गर्दै अग्रता खोसेका थिए।

यसकाण पहिलो हाफमा १–१ गोलको बराबरीमा रोखिएको खेलको दोस्रो हाफमा सिटीले ती गोल थप्यो। जहाँ रियाद महरेले ५४ औं मिनेटमा गोल गरे भन फिल फोडेनले ५९ औं मिनेटमा गोल गरे।

खेलको ७३ औं मिनेटमा एमेरिक लापोर्टेले गोल गरेपछि भने सिटीले ४–१ गोलको  जित निकाल्यो।

सिटीसँगै ब्रेन्टफोर्डले पनि न्युकासललाई हराउँदै सेमीफाइनल प्रवेश गरेको छ।

कारबाओ कपको क्वार्टरफाइनलको बाँकी दुई खेलमा आज राति स्टोक सिटीसँग टोटेनहमले खेल्नेछ भने एभर्टनसँग म्यानचेस्टर युनाइटेडले प्रतिस्पर्धा गर्नेछ।