बार्सिलोनाले हरायो शीर्षस्थानको रियल सोसिडाडलाई

काठमाडौं– बार्सिलोनाले ला–लिगामा शीर्षस्थानको रियल सोसिडाडलाई हराएको छ। 

क्याम्प नाउमा बुधबार राति सम्पन्न खेलमा जित निकाल्दै बार्सिलोनाले सोसिडाडलाई २–१ गोलले हराएको हो।

हारसँगै रियल सोसिडाडको शीर्षस्थान गुमेको छ भने एट्लेटिको मड्रिडले शीर्षमा स्थान बनाएको छ।

यता सोसिडाडलाई शीर्षमा रहन नदिन बार्सिलोनाका जोर्डी अल्बा र फ्रेंकी डि जोङले गोल गरे। 

एक गोलले पछि परेको अवस्थामा अल्वाले ३१ औं मिनेटमा गोल गर्दै खेललाई बराबरीमा ल्याएका थिए।

त्यस्तै अल्वाको गोलको ८ मिनेट नबित्दै डि जोङले गोल गरेर बार्सिलोनालाई अग्रता दिलाए।

पहिलो हाफअघि नै बनेको २–१ गोलको अग्रता दोस्रो हाफ सम्पन्न भएसम्म कायम रहेपछि सोही नजिताका साथ बार्सिलोनाले खेल जितेको हो।

जितसँगै बार्सिलोना आठौं स्थानबाट पाँचौ स्थानमा पुगेको छ भने हारका बाजबदुल सोसिडाड दोस्रो स्थानमा छ।

बार्सिलोना शीर्षस्थानमा बराबरी अंक भएका तीन टोलीभन्दा ६ अंकले पछि छ।

अंकतालिकाको तेस्रो स्थानमा रियल मड्रिड छ भने चौथो स्थानमा भिल्ला रियल छ।