राप्तीले जित्यो गौतम बुद्ध कप

काठमाडौं –गौतम बुद्ध टी–२० कप क्रिकेटको उपाधि राप्तीले जितेको छ।

चितवनको गौतम बुद्ध अन्तर्राष्ट्रिय क्रिकेट रंगशालामा मंगलबार भएको फाइनलमा राप्तीले नारायणीलाई नौ रनले हराउँदै उपाधि जितेको हो।

टस हारेर ब्याटिङको निम्तो पाएको राप्तीले पूरा ओभर खेल्दै आठ विकेटको क्षतिमा १४३ रन बनाएको थियो।

१४४ रनको लक्ष्य पछ्याएको नारायणीले नौ विकेट गुमाएर १३४ रन मात्र बनाएपछि उपाधि राप्तीको पोल्टामा परेको हो।

राप्तीका लागि ओपनर अमित श्रेष्ठ १८ रन बनाउँदै पेवेलियन फर्र्किए भने अर्का ओपनर कुशल भुर्तेलले सर्वाधिक ४२ रन बनाए। 

त्यस्तै शरद भेषवाकर र भुवन कार्की क्रमशः १० र ४ रनमै आउट भए।

विनोद भण्डारीले ३३ रन बनाएर रन आउट भए भने एक रन जोड्दै कमल सिंह बाहिरिए।

नारायणीका सहबाब आलमले सर्वाधिक तीन विकेट लिए भने सुुसन भारीले दुई र करण केसीले एक विकेट लिए।

जबाफी ब्याटिङमा आएको नारायणीका आरिफ सेखले सर्वाधिक ४८ रन बनाए। ईशान पाण्डे र रित गौतमले समान २७–२७ रन बनाएका थिए। यसबाहेक अन्य खेलाडीले उल्लेख्य प्रदर्शन गरेनन्।

बरु नारायणीलाई लक्ष्य भेट्न नदिन राप्तीका अभिनाश बोहराले तीन विकेट लिएकमा थिए। यस्तै भुवन कार्कीले दुई विकेट लिए।

जितेन्द्र मखिया र कमलसिंहले समान १–१ रन बनाएका थिए।