बीबीएल : पहिलो जितसहित मेलबर्न स्टार्सलाई ४ अंक
काठमाडौं- अष्ट्रेलियामा जारी टी–२० फ्रेन्चाइज बिग ब्यास लिग (बीबीएल) अन्तर्गत आजको खेलमा मेलबर्न स्टार्सले ब्रिसबन हिटविरुद्ध ६ विकेटको जित निकालेको छ।
क्यानबेरा रंगशालामा सम्पन्न खेलमा टस हारेर ब्याटिङको निम्तो पाएको ब्रिसबन हिटले १९.५ ओभरमा सम्पूर्ण विकेट गुमाउँदै १२५ रन बनाएको थियो। १२६ रनको लक्ष्यका साथ मैदानमा उत्रिएको मेलबर्न स्टार्सले १७.१ ओभरमा चार विकेट गुकाएर लक्ष्य पुरा गर्यो।
पहिले ब्याटिङमा आएको ब्रिसबनका टोम कुपरले २६ रन बनाए भने म्याक्स ब्रायट र क्रिस लिनले समान २०–२० रनको योगदान दिए।
यसबाहेक अन्य खेलाडीले सम्झनलायक प्रदर्शन नगरेको खेलमा मेलबर्नका नाथन कोउल्टर निलले चार विकेट गिराए भने दिलबर हुसेनले पनि दुई विकेट लिए।
जवाफी ब्याटिङमा आएका ग्लेन म्याक्सवेल र हिल्टन कार्टराइटले समान ४६–४६ विकेट लिए।
यता ब्रिसबनका लागि ज्याक वुडले दुई विकेट लिए भने जेभियर बारलेट र माथिउस कुहेन्मानले समान १–१ विकेट लिए।
प्रतियोगितामा पहिलो जिसहित मेलबर्न स्टार्सले ४ अंक जोडेको छ भने पराजित ब्रिसबनले एक अंक पनि जोड्न सकेन।
जारी सिजनको बीबीएलमा पराजित टिमले पनि अंक जोड्न सक्ने प्रावधान रहेको छ।
यो पनि पढ्नुहोस् :
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com