चीनले पठाएको कोरोनाविरुद्धको १२ लाख खोप इन्डोनेसिया पुग्यो

इन्डोनेसियाले कोरोना भाइरसविरुद्धको खोप प्राप्त गरेको छ। चीनले पहिलो चरणमा इन्डोनेसियालाई १२ लाख डोज खोप दिएको छ।

नेपाल समय | सोमबार, मंसिर २२, २०७७

नेपाल समय

सोमबार, मंसिर २२, २०७७

चीनले पठाएको कोरोनाविरुद्धको १२ लाख खोप इन्डोनेसिया पुग्यो

एजेन्सी- इन्डोनेसियाले कोरोना भाइरसविरुद्धको खोप प्राप्त गरेको छ। चीनले पहिलो चरणमा इन्डोनेसियालाई १२ लाख डोज खोप दिएको छ। साथै थप १८ लाख खोप अर्को महिना पठाउने भएको छ।

चीनको सिनोभाक कम्पनीले निर्माण गरेको खोप इन्डोनेसियाले प्राप्त गरेको हो। इन्डोनेसिया संसारकै धेरै जनसंख्या भएको चौथो ठूलो देश हो जसले कोरोना भाइरसविरुद्धको लडाईँमा निकै संघर्ष गरिरहेको छ।

चीनले पठाएको १२ लाख गोड खोप जाकार्तामा आइतबार पुगेको हो। चीनले अर्को महिना थप १८ लाख डोज खोप पठाइदिनेछ।

चीनमा आधिकारिक रुपमा कुनै खोपलाई लगाउन अनुमति नदिइए पनि सिनोभाकले उत्पादन गरेको खोप प्रभावकारी भएको भन्दै इन्डोनेसिया पठाइएको हो।

यस्तै बेलायतमा फाइजर र बायोटेक कम्पनीले निर्माण गरेको कोरोनाविरुद्धको खोप भोलिदेखि लगाउन सुरु गरिँदैछ।