कांग्रेस महाधिवेशन : पर्वतको फलेवासमा हुन सकेन सहमति, भोलि मतदान

पोखरा- नेपाली कांग्रेसले पर्वतको फलेवास नगर कार्यसमिति निर्विरोध बनाउन असफल भएको छ। निर्वाचनको दिन उम्मेदवारहरुबीच सहमति जुटाउने सहमति भए पनि नेताहरु असफल भएका हुन्। नगर सभापति पदमा चार जनाले उम्मेदवारी दिएका छन्। 

नगर सभापति पदमा थमनबहादुर थापा, हिरामणि सापकोटा, ख्याम बहादुर क्षेत्री, बसन्त श्रेष्ठले उम्मेदवारी दर्ता गरेका छन्। त्यस्तै सचिवमा पनि चार जनाले उम्मेदवारी दर्ता गरेका छन्। सचिव पदमा धन बहादुर थापा, चित्रप्रसाद पाध्या, एसडी कुँवर र तेजबहादुर पाठकले उम्मेदवारी दर्ता गरेका हुन्। 

पालिका अधिवेशनकै दिन सर्वसम्मत नेतृत्व चयन गर्ने प्रयास गरिए पनि कुनै पनि उम्मेदवारले आफ्नो अडान नछोडेकाले आइतबार निर्वाचन गर्ने सहमति भएको नगरपालिका वडा नम्बर ३ का सभापति अर्जुनबहादुर कार्कीले जानकारी दिए।