ला लिगामा बार्सिलोना र सेभियाको बराबरी

काठमाडौं– स्पेनिस ला लिगामा हेविवेट टिम बार्सिलोनाले सेभियासँग अंक बाँडेको छ। आइतबार राति घरेलु मैदान क्याम्प नाउमा सम्पन्न खेलमा बार्सिलोनाले १–१ गोलको बराबरी खेल्दै अंक बाँडेको हो।

बरबरीका लागि सेभियाका लुक डि जोङ र बार्सिलोनाका फिलिप काउटिन्होले गोल गरे। खेलको आठौं मिनेटमै सेभियाका डि जोङले गोल गर्दै अग्रता दिलाएका थिए।
सेभियाले सुरुवाती अग्रता बनाए पनि धेरै समय भने टिक्न सकेन। १० औं मिनेटमा ब्रजिलियन मिडफिल्डर फिलिप काउटिन्होले गोल गर्दै खेललाई बरबरीमा ल्याइहाले।

४३ औं मिनेटमा मेस्सीलले प्रहार गरेको बलले पोस्टबाहिरको गति लिएपछि बार्सिलोनाको अघि बढ्ने चहाना अधुरै रह्यो। पहिलो हाफको बाराबरीसँगै निर्धारित समय सकिँदा दुवै टिमले अंक बाँडे।

अंकतालिकामा बार्सिलोना ७ अंकका साथ पाँचौ स्थानमा छ भने सेभिया समान ७ अंकका साथ छैटौं स्थानमा छ। हेड टू हेडका आधारमा सेभिया पछि परेको हो।

ला लिगामा आज कुनै खेल छैनन। अबका अक्टोबर ब्रेकपछि १८ तारिकबाट पुनः सुरु हुनेछ। कोरोना महामारी कारण अक्टोबर ब्रेक छोटो बनाइएको छ।