जितसहित रियल मड्रिड ला लिगाको शीर्षस्थानमा

काठमाडौं- स्पेनिस ला लिगामा साविक विजेता रियल मड्रिडले सहज जित निकालेको छ। 

लेभान्टेको डे ला सेरामाइकामा रंगशालामा सम्पन्न खेलमा रियलले घरेलु टिममाथी २–० गोलको सहज जित निकालेको हो।

जितका लागि भिनिसियस जुनियर र करिम बेञ्जेमाले गोल गरे। खेलको १६ औं मिनेटमो लुका मोड्रिचको कर्नर बललाई भिनिसियसले गोलमा परिणत गरेका थिए।

त्यस्तै, खेलको ७० औं मिनेटमा पनि मोड्रिचको बल रामोसले हेडमार्फत् गोल गरे पनि सो गोल भिडियो रेफ्रिले रद्द गरिदिएको थियो। बरु इन्ज्युरी समयमा रोड्रिगोको पासमा बेञ्जेमाले गोल गरे।

जितसहित १० अंक बनाएर रियल मड्रिड लिगको शीर्षस्थानमा आएको छ। पराजित लेभान्टे भने ३ अंकका साथ १८ औं स्थानमा कायम छ।

त्यस्तै, आइतबार राति सम्पन्न अन्य खेलमा अलाभेसले घरेलु मैदानमा एथ्लेटिक क्लबलाई १–० गोलले हराएको छ भने ग्रानाडाले कार्डिकसँग १-१ गोलको बराबरी खेलेको छ।