सिदिङ्वा गाउँपालिकाले बनायो पर्यटकका लागि गेस्ट हाउस

ताप्लेजुङ– दसैं नजिकिँदै गर्दा पर्यटकीय गन्तव्यहरुको खुला हुने क्रम पनि बढ्दै गएको छ। यसै मेसोमा ताप्लेजुङको पूर्वी सिदिङ्वा गाउँपालिकास्थित तिम्बुङ पोखरी क्षेत्रमा पर्यटक लक्षित घर– टुरिस्ट हाउस निर्माण सम्पन्न भएको छ।

सुन्दर तथा आकर्षक पर्यटकीय गन्तव्य तिम्बुङ पोखरी क्षत्रको भ्रमणमा जाने पर्यटकको आवास सुविधाका लागि सिदिङ्वा गाउँपालिकाले ५५ लाख रुपैयाँ लागतको पर्यटक आवास घर निर्माण गरेको हो।

तिम्बुङ पोखरी क्षत्रको भ्रमणमा जाने पर्यटकको सुविधाका लागि सिदिङ्वा गाउँपालिकाले पर्यटक आवास निर्माण गरेको हो। पाँचथर र भारतको सिक्किमसँग सिमाना जोडिएको सिदिङ्वा गाउँपालिका–१ मा रहेको तिम्बुङ पोखरी नेपालको एक सय पर्यटकीय गन्तव्यमा सूचीकृत क्षेत्र हो।

गाउँपालिकाले पर्यटन मन्त्रालयबाट विनियोजित ५० लाख रुपैयाँ र गाउँपालिकाको पाँच लाख थपेर कुल ५५ लाख रुपैयाँ खर्च गरेर आवास घर बनाएको हो।

गाउँपालिकाले पर्यटन मन्त्रालयबाट विनियोजित ५० लाख रुपैयाँ र गाउँपालिकाको पाँच लाख थपेर कुल ५५ लाख रुपैयाँ खर्च गरेर आवास घर बनाएको हो।

तीन हजार ८ सय मिटर उचाइ रहेको तिम्बुङ पोखरी क्षत्रको नुनथला ठूलो भञ्ज्याङमा उक्त संरचना निर्माण गरिएको हो। झण्डै ४५ जना अटाउने आवास घरमा भान्साघर र शौचालय पनि निर्माण गरिएको छ। उक्त पर्यटक आवास घर निर्माण सम्पन्न भएसँगै गाउँपालिकाले भाडामा दिए र सञ्चालनको तयारी गरेको छ।

ठेक्का (बोलपत्र) प्रक्रियामार्पmत आवास घर वार्षिक ६२ हजार रुपियाँमा भाडामा लगाएको र अब दशैंतिहारअघि नै सञ्चालनमा आउने पनि गाउँपालिकाले जनाएको छ। पर्यटक घर सञ्चालनमा आएपछि तिम्बुङ पोखरी क्षत्रको भ्रमणमा जाने पर्यटकले खाने बस्ने सुविधा पाउनेछन्। हालसम्म तिम्बुङ पोखरीको भ्रमण गर्ने पर्यटकले आवासका रुपमा सो क्षत्रमा रहेको चांैरी गोठमा बास बस्ने गरेका थिए।

कालीखोला र सादेवाको माथिल्लो बस्तीदेखि तिम्बुङ पोखरी पुगेर फर्कन तीन दिन लाग्छ। यसअघि सो क्षेत्रमा रहेका चौंरी गोठमा बास बस्नुपर्ने बाध्यता थियो। आवास घर बनेपछि भने पर्यटकलाई सुविधा हुनेछ।