प्रदेश २ : कोरोना संक्रमणबाट १३३ जनाको मृत्यु (कुन जिल्लामा कति?)

जनकपुरधाम– प्रदेश २ मा कोरोना भाइरस संक्रमणबाट मृत्यु हुनेको संख्या १३३ पुगेको छ। 

पछिल्लो २४ घण्टामा कोरोना संक्रमणबाट थप दुई जनाको मृत्यु भएको स्वास्थ्य निर्देशनालय प्रदेश २ का निमित्त निर्देशक विजय झाले जानकारी दिए। 

उनका अनुसार सर्लाहीको बरहथवा नगरपालिका–६ का ६६ वर्षीय पुरुष र सप्तरीको अग्निसाइर कृष्णासावरन नगरपालिका–४ का ३ वर्षीय पुरुषको कोरानाका कारण ज्यान गएको हो। 

कोरोनाका कारण पर्सामा सबैभन्दा बढी ४३ जनाको मृत्यु भएको छ। यस्तै बारामा १८, धनुषामा १६, महोत्तरीमा १५, सिरहामा १२, सप्तरीमा १५, रौतहटमा ६, सर्लाहीमा सात र एक भारतिय नागरिकको कोराना संक्रमणबाट मृत्यु भएको छ।

प्रदेश २ मा बुधबार थप ४९ जनामा कोरोना भाइरस संक्रमण पुष्टि भएको छ भने संक्रमणबाट दुई जनाको मृत्यु भएको छ। 

गौर अस्पताल रौतहट, प्रादेशिक जनस्वास्थ्य प्रयोगशाला जनकपुर र नारायणी उपक्षेत्रीय अस्पताल वीरगन्जमा गरिएको परीक्षणमा ४४ पुरुष र ५ महिला गरी ४९ जनामा  कोरोना संक्रमण पुष्टि भएको स्वास्थ्य निर्देशनालय प्रदेश २ का निमित्त निर्देशक विजय झाले जानकारी दिए। 

प्रदेशमा कोरोना संक्रमितको संख्या १३ हजार ५२७ पुगेको छ। हालसम्म प्रदेशका दुई हजार १२५ महिला र ११ हजार ४०२ पुरुषमा कोराना संक्रमण देखिएको छ।

पछिल्लो २४ घण्टामा प्रदेश २ मा ५९७ जना कोरोना संक्रमित निको भएर घर फर्केका छन्। तीमध्ये ५०९ पुरुष र ८८ जना महिला छन्। प्रदेशमा कोरानाबाट मुक्त हुनेको संख्या १० हजार ५४२ पुगेको छ।