पाहुना टिम अस्ट्रेलियाको जित: म्याक्सवेल र क्यारीको रोमाञ्जक पार्टनरसिप
काठमाडौं – अस्ट्रेलिया–इंग्ल्यान्ड एक दिवसीय सिरिजको तेस्रो खेलमा पाहुना टिम अस्ट्रेलियाका ग्लेन म्याक्सवेल र एलेक्स क्यारीले २१२ रनको पार्टनरसिप गर्दै आयोजक इंग्ल्यान्डलाई ३ विकेटले हराएका छन् ।
७३ रनमै ५ विकेट गुमाएको अवस्थामा म्याक्सवेल र क्यारी लामो समय मैदानमा रहँदै अस्ट्रेलियालाई जिताएका हुन् ।
ओल्ड ट्राफोर्डमा सम्पन्न खेलमा टस जितेर ब्याटिङ रोजेको इंग्ल्यान्डले निर्धारित ओभरमा ७ विकेट गुमाउँदै ३०२ रन बनायो ।
३०३ रनको लक्ष्य पाएको अस्ट्रेलियाले ७ विकेटको क्षतिमा २ बल बाँकी रहँदै लक्ष्य पुरा गर्यो ।
इंग्ल्यान्डका लागि जोन्नी ब्रिस्टवले ११२ रनको सतकीय पारी खेले भने साम विलिङ ५७ रन बनाउँदै बाहिरिए । अविजित रहेका क्रिस बोक्सले ५३ रन बनाए । अन्य खेलाडीले भने सम्झनलायक प्रदर्शन गरेनन् ।
अस्ट्रेलियाका मिचेल स्टार्क र एडम जाम्पाले समान ३–३ विकेट लिए ।
जवाफी ब्याटिङमा आएको अस्ट्रेलियाले भने खराब सुरुवात गर्दै ७३ रनमै ५ विकेट गुमाइसकेको थियो ।
तर म्याक्सवेल र क्यारीले क्रमशः १०८ र १०६ रनको सतकीय पारी खेल्दै अस्ट्रेलियालाई हारबाट जोगाए ।
यता इंग्ल्यान्डका क्रिस वोक्स र जोय रुटले समान २–२ विकेट लिए ।
तेस्रो खेलमा जित निकालेसँगै अस्ट्रेलियाले तीन खेलको सिरिज २–१ ले जितेको छ ।
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com