टोक्यो ओलम्पिक : यस्तो छ फुटबलको सेमिफाइनल समिकरण

काठमाडौं- टोक्यो ओलम्पिक २०२० फुटबलअन्तर्गत महिला र पुरुषतर्फको क्वार्टरफाइनल सकिएको छ। महिलातर्फको क्वार्टरफाइनल जुलाई ३० मा सकिएको हो भने पुरुषतर्फको अन्तिम ८ को खेल जुलाई ३१ मा सकिएको हो।

महिलातर्फको खेलक्वार्टर फाइनलबाट जित निकाल्दै संयुक्त राज्य अमेरिका, क्यानडा, अष्ट्रेलिया र स्विडेन अन्तिम चारमा प्रवेश गरेका हुन्।

अबको सोमबार दिउँदो पौने २ बजे हुने पहिलो सेमिफाइनल खेलमा अमेरिकाले क्यानडाको सामना गर्नेछ। त्यस्तै सोमबार दिउँसो नै पौने पाँचबाट सुरु हुने दोस्रो सेमिफाइनल खेलमा अष्ट्रेलियाले स्विडेनसँग खेल्नेछ। फाइनल खेल भने अगस्त ६ मा हुनेछ।

त्यस्तै, पुरुषतर्फको क्वार्टरफाइनलबाट जित निकाल्दै मेक्सिको, ब्राजिल, जापान र स्पेन अन्तिम चारमा पुगेका छन्।

अब अन्तिम चारको पहिलो खेलमा मेक्सिकोले ब्राजिलको सामना गर्नेछ। त्यस्तै, आयोजक राष्ट्र जापाले स्पेनको सामना गर्नेछ। पुरुषतर्फको फाइनल खेल अगस्त ७ मा हुनेछ।