जक आरोपी थुनुवालाई कोरोना संक्रमण

विराटनगर– मोरङ प्रहरीको हिरासतमा रहेका एक जना थुनुवामा कोरोना संक्रमण देखिएको छ।

नेपाल समय | मंगलबार, भदौ २३, २०७७

नेपाल समय

मंगलबार, भदौ २३, २०७७

मोरङमा थुनुवामा पहिलो पटक कोरोना संक्रमण देखिएको हो। जिल्ला प्रहरी कार्यालय मोरङका प्रवक्ता एवं प्रहरी नायब उपरीक्षक मानबहादुर राईले जबरजस्ती करणी मुद्दाको अनुसन्धानका क्रममा पक्राउ गरिएका सुनवर्षी नगरपालिका–४ का २६ वर्षीय पुरुष थुनुवाको कोरोना रिपोर्ट पोजेटिभ आएको बताए।

प्रहरीले पक्राउ गरेर भदौ २० गते शनिबार पीसीआर परीक्षणका लागि उनको स्वाब संकलन गरेर पठाएको थियो। कोरोना संक्रमण पुष्टि भएको रिपोर्ट सोमबार साँझ प्राप्त भएको जानकारी राईले दिए। थुनुवाको विराटनगरस्थित मारवाडी सेवा सदनको आइसोलेसनमा भर्ना गरेर प्रहरी निगरानीमा उपचार थालिएको छ।

मोरङ प्रहरीको हिरासतमा मंगलबार बिहानसम्ममा २६ जना थुनुवा रहेकोमा अरु २५ जनाको रिपोर्ट नेगेटिभ आएको डीएसपी राईले बताए।

प्रकाशित: Sep 08, 2020| 14:30 मंगलबार, भदौ २३, २०७७