पहिलो पटक भर्चुअल पुम्से आयोजना हुँदै

काठमाडौं– काठमाडौं जिल्ला तेक्वान्दो संघले प्रथम काठमाडौं भर्चुअल राष्ट्रिय तेक्वान्दो च्याम्पियनसिप आयोजना गर्ने भएको छ। प्रतियोगिता आउँदो अगस्ट २९ देखि ३० तारिखसम्म हुने तेक्वान्दो संघले बताएको हो।

प्रतियोगितामा करिब पाँच सय खेलाडीको सहभागिता अपेक्षा गरिएको आयोजक संघका अध्यक्ष अशोक खड्काले बताए। पुरुष/महिलामा समान ६–६ गरी १२ स्पर्धामा प्रतिस्पर्धा हुने छ।

यु–१२, यु–१५, यु–१८, १८–३१ वर्ष, ३१–४० वर्ष र ४१ वर्षमाथि उमेर समूहमा खेल हुने आयोजकले बाताएको छ। पुम्से विधामा मात्र प्रतिस्पर्धा हुने छ

सहभागी हुने खेलाडीले अगस्ट २७ र २८ तारिखमा श्रव्यदृष्य पठाइसक्नु पर्ने छ। प्रतियोगिता सञ्चालन गर्न खड्कासहित नोर्बु लामा, मीन न्यौपाने, हीराबहादुर थापा र विक्रम खड्गी निर्णायकका रुपमा परिचालन हुने छन्।

खड्का कार्यवाहक अध्यक्ष भएपछि पहिलो प्रतियोगिता हुन लागेको हो। खड्का साउन २० गते कार्यवाहक अध्यक्ष बनेका थिए।