सिटीका पूर्व कप्तान भिनसेन्टले लिए सन्न्यास

एजेन्सी- इङ्लिस क्लब म्यानचेस्टर सिटीका पूर्व कप्तान भिनसेन्ट काेम्पानीले सन्न्यासको घोषणा गरेका छन्। खेलाडीबाट सन्न्यास लिएसँगै भिनसेन्टले फुटबल क्लब एन्डरलेच्टको पुरा समय प्रशिक्षक बन्ने बताएका छन्।

३४ वर्षे फुटबलर गएको मे २०१९ मा प्लेयर मेनेजरको रुपमा बेल्जीयन क्लबमा आबद्ध भएका थिए। तर अहिले भने उनले खेलाडी जीवनबाट सन्न्यास लिने र प्रशिक्षक बन्ने बताएका हुन्।

एक बेल्जियन पत्रिकाको रिपोर्टका अनुसार क्लबबारे उनकाे सहप्रशिक्षक फ्रान्क वेक्र्याउटेरेनसँग कुरा मिलेकाे थिएन। जसकारण उनले वेक्र्याउटेरेनलाई बाहिर पठाउँदै क्लबमा स्थान बनाए।

एन्डरलेच्ट पछिल्लो सिजनमा लिग अंक तालिकाको आठौँ स्थानमा थियो। जहाँ भिनसेन्टले १५ खेलमा एक गोल गरे। उनले गएको सिजनमा आधा खेलाडी र आधा प्रशिक्षक भएर विताएका थिए।

सेन्ट्रल मिडफिल्डर भिनसेन्ट म्यानचेस्टर सिटीमा २००८ मा आबद्ध भएसँगै उनले राम्रो प्रदर्शन गरेका थिए। त्यसको केही समयमै उनी सिटीका कप्तान बन्न सफल रहे र उनले सन् २०११/१२ मा लिग उपाधि जिताए। त्यहाँ उनले अतिरिक्त तीन उपाधि जिते।

उनले सिटीबाट एफए कप, चार लिग कप र दुई कम्युनिटी सिल्ड पनि जिते। उनलाई सिटीका लेजेन्डको रुपमा पनि चिनिन्छ। उनी बालबालिकाको क्षेत्रमा काम गर्ने संस्था एसओएस च्यारिटीका लागि फिफाका आधिकारीक एम्बेस्डर पनि रहे। डेलिमेल