बोहोराको हत्यामा संलग्न भएको आशंकामा महिला पक्राउ

काठमाडौंको गोंगबुमा झोलामा शव फालिएको अवस्थामा भेटिएका कृष्णबहादुर बोहराको हत्यामा संलग्न भएको आशंकामा प्रहरीले एक महिलालाई पक्राउ गरेको छ।

नेपाल समय | सोमबार, साउन २६, २०७७

नेपाल समय

सोमबार, साउन २६, २०७७

काठमाडौं- काठमाडौंको गोंगबुमा झोलामा शव फालिएको अवस्थामा भेटिएका कृष्णबहादुर बोहराको हत्यामा संलग्न भएको आशंकामा प्रहरीले एक महिलालाई पक्राउ गरेको छ।

महानगरीय अपराध महाशाखाको टोलीले चितवनबाट कल्पना शाहीलाई सोमबार साँझ नियन्त्रणमा लिएको हो।

महाशाका स्रोतकाअनुसार शाही र बोहोरा गोंगबुमा एउटै फ्ल्याटमा बस्दै आएको खुलेको छ। महिलाका पति रोजगारीको शिलशिलामा विदेशमा रहेको खुलेको छ।

बोहोराको शव गणेशस्थान नजिकै सडक छेउमा झोलाभित्र भेटिएको थियो। बोहोराको टाउको र खुट्टा अलगै भेटिएको थियो।

बोहोराको सनाखत सोमबार मात्र भएको हो। उनको ठेगाना दाङ रहेको खुलेको छ। बोहोरा गोंगबु नयाँ बजार क्षेत्रको गार्मेन्ट उद्योगमा काम गर्दै आएको बुझिएको छ। प्रहरीले घटनाबारे थप अनुसन्धान भैरहेको जनाएको छ।

प्रकाशित: Aug 10, 2020| 21:30 सोमबार, साउन २६, २०७७