न्युट्रल मैदानमा गेटाफेविरुद्ध इन्टरको जित

युरोपा लिगअन्तर्गत राउन्ड अफ १६ को खेलमा गेटाफेविरुद्ध २–० गोल अन्तरले जित निकाल्दै इन्टर मिलान क्वार्टरफाइनलमा प्रवेश गरेको छ।

न्युट्रल मैदानमा भएको खेलमा इटालियन क्लब इन्टरले जित निकाल्दै फाइनल प्रवेश गरेको हो।

जर्मन क्लब साल्केको भेल्टिन्स–एरिना रंगशाला (न्युट्रल मैदान)मा सम्पन्न खेलमा जितका लागि रोमेलु लुकाकु र क्रिस्टियन एरिक्सनले गोल गरे।

इटालियन क्लब इन्टरका लुकाकुले पहिलो हाफको ३३ औं मिनेटमा गोल गर्दै सुरुवाती अग्रता दिलाए। उनको गोलसँगै पहिलो हाफमा क्लब एक गोलले अघि रह्यो।

दोस्रो हाफको ८३ औं मिनेटमा एरिक्सनले गोल गर्दै जितलाई २–० गोलमा पुर्याएका थिए। यता स्पेनिस गेटाफे भने खेलमा पराजय भोग्दै अन्तिम १६ बाट बाहिरिएको छ।

क्वार्टरफाइनमा मिलानले प्रतिस्पर्धा गर्ने टिमको टुंगो आज रातिको खेलबाट लाग्ने छ।

युरोपा लिगअन्तर्गत गएराति भएका खेल :

शख्तर डोनेस्क ३–० वुल्भ्सबर्ग

कोपनहेगन ३–० इस्तानबुल

आजका खेल :

लिभरकुसन र रेन्जर, राति १०ः४०

वुल्भ्स र ओलम्पियाकोस, राति पौने १ बजे

बसेल र फ्रान्कफ्रुट, राति पौने १ बजे

सेभिया र रोमा, राति १०ः४० बजे (न्युट्रल मैदानमा)

एजेन्सी