कप्तान मल्लले बनाए अर्धशतक

काठमाडौं- ओमनमा जारी नेपाल, ओमन अमेरिका सिरिजअन्तर्गत आजको खेलमा कप्तान ज्ञानेन्द्र मल्लले अर्धशतक पूरा गरेका छन्। 

 उनले ९१ बलमा ५० रन बनाउँदै अर्धशतक पूरा गरेका हुन्। तर यसअघि नै नेपालका भरपर्दा ब्याट्सम्यान आशिफ शेख, कुशल भुर्तेल र रोहित कुमार पौडेल आउट भएका छन्।

ओपनिङमा आएका शेखले तीन रन बनाए। उनले बाउन्ड्री प्रहार गर्ने क्रममा करिमा गोरेले उनको प्रहारको बल क्याच गरेका थिए।

त्यस्तै, ४३ बलमा ३६ रन प्रहार गरेका कुशललाई गोरेले एलबीडब्यू धरापमा पारे। त्यसपछि मैदान प्रवेश गरेका रोहित पनि दुई रन बनाउँदै आउट भए। ४१ ओभर सकिँदा नेपालले १४४ रन बनाएको छ।

अको वर्ष भारतमा हुने आईसीसी एकदिवसीय क्रिकेट विश्वकप अन्तर्गतको लिग २ को जारी त्रिकोणात्मक सिरिजमा नेपाल अमेरिकाले दोस्रो खेल खेलिरहेका हुन्। पहिलो खेलमा नेपालल अमेरिकालाई ५ विकेटले हराएको थियो।

नेपाली युवा बलर गुल्सन झाले पनि डेब्यू गरेका छन्। गुल्सनले २८ रन जोडेर आउट भएका छन्।