ह्यारी केनको दुई गोलमा टोटेनहमको जित

इंग्लिस प्रिमियर लिग (ईपीएल) फुटबलमा ह्यारी केनको दुई गोलको मद्दतमा टोटेनहमले सहज जित निकालेको छ।

बुधबार राति न्युकासल युनाइटेडको घरेलु मैदानमा भएको खेलमा टोटेनहमले ३–१ गोलको सहज जित निकालेको हो ।

पाहुना टोली टोटेनहमको जितका लागि ह्यारी केनले दुई तथा सनले एक गोल गरे । न्युकासल युनाइटेडका लागि माट रिटचेयले एक गोल गरे ।

२७ औं मिनेटमा सनले गोल गर्दै टोटेनहमलाई अग्रता दिलाएका थिए । दोस्रो हाफमा भने दुबै टोलीले एक एक गाले गरे ।

खेलको ५६ औं मिनेटमा रिटचेयले गाले गर्दै खेल १–१ को बराबरीमा ल्याए । त्यसको चार मिनेट नबित्दै केनले गोल गर्दै टोटेनहमलाई २–१ गोलको अग्रता दिलाए । खेलको अन्तिम मिनेटमा केनले नै व्यक्तिगत दोस्रो गोल गर्दै पाहुना टोली टोटेनहमलाई ३–१ गोलको सहज जित दिलाए ।

जितसँगै टोटेनहम ३६ खेलमा ५५ अंक जोड्दै तालिकाको सातौं स्थानमा उक्लिएको छ । पराजित न्युकासल युनाइटेड भने ४३ अंकसहित १३ औं स्थानमा छ ।