ग्रानाडालाई पराजित गर्दै रियल ला लिगाको उपाधि नजिक

स्पेनिस ला लिगा अन्तर्गत सोमबार राति सम्पन्न खेलमा ग्रानाडाविरुद्ध रियल विजयी भएको छ । यो जितसँगै लिग उपाधि नजिक पुगेको छ ।

ग्रानाडाको लस कार्मेन्स मैदानमा भएको खेलमा रियलले घरेलु टिमविरुद्ध २–१ गोल अन्तरले जित निकालेको थियो । जितका लागि फरल्यान्ड मेन्डी र मरिम बेञ्जेमाले १/१ गोल गरे।

१० औं मिनेटम कासिमेरोले दिएको पास सदुपायोग गर्दै मेन्डीले पहिलो गोल गरे भने १६ औं मिनेटमै रियलले दोस्रो गोल गर्यो ।

लुका मोड्रिचको पासमा बेञ्जेमाले गोल गरेसँगै पहिलो हाफमा रियल २ गोलले अघि रह्यो। दोस्रो हाफमा डार्विच म्याकिसले ग्रानाडाका लागि सान्त्वना गोल फर्काए। यससँगै खेल २–१ गोलअन्तरे रियल मड्रिडले जित्यो।

जितसँगै उसलाई उपाधि विजेता बन्न २ अंक आवश्यक छ। ८३ अंकका साथ रियल शीर्षस्थानमा रहँदा ७९ अंक बनाएको बार्सिलोना दोस्रो स्थानमा छ। लिगमा अब २ खेल बाँकी छन्।

यता, एट्लेटिको मड्रिड र सेभियाले समान ६६ अंक बनाएर तेस्रो र चोथो स्थान सुरक्षित गरिरसकेका छन्। ला लिगा अन्तर्गत आज कुनै खेल हुने छैन् ।