शान्तिश्री परियार र खेम सेञ्चुरीको स्वरमा ‘मायालु आजैलाई’ सार्वजनिक

काठमाडौं– गायिका शान्तिश्री परियार र गायक खेम सेञ्चुरीको स्वरमा रहेको ‘मायालु आजैलाई’ सार्वजनिक भएको छ।

प्रल्हाद सुवेदीको शब्द र खेम सेञ्चुरीको संगीतमा तयार भएको गीतको एरेन्ज श्यामश्वेत रसाइलीले गरेका हुन्।

बसन्त फिल्मस् प्रा.लि.को युट्युब च्यानलमार्फत् सार्वजनिक गरिएको गीत प्रिज्म स्टुडियोमा रेकर्ड भएको हो।

क्रान्ति केसीको निर्देशन र सम्पादन रहेको भिडियोको छायांकन अजय रेग्मीले गरेका छन्।

भिडियोमा नीता ढुंगाना र ओबी रायमाझीको अभिनय हेर्न सकिन्छ।