एमालेको अवरोधका कारण लुम्बिनी प्रदेशसभा एक घण्टाका लागि स्थगित

दिउँसो १ बजेका लागि तय गरिएको प्रदेशसभाको बैठक केही बेर ढिलो गरी शुरु भएको थियो। सभामुख पूर्ण बहादुर घर्तीले बैठक शुरु गर्नासाथ एमाले सांसहरुले उठेर विरोध गरेका थिए। 

सभामुखले विरोधका बारेमा एमोलका सांसद आरती पौडेललाई बोल्न दिए। सांसद पौडेलले एमालेले कारबाही गरेका अजय शाही र माओवादी सांसद विमला कुमारी वलीलाई पद रिक्तको सूचना ननिकाल्दासम्म संसद चल्न नदिने अडान राखिन्। 

बैठकमा जनता समाजवादीका तर्फबाट समानुपातिक प्रदेशसभा सदस्यमा निर्वाचित निर्मला मुडभरी भट्टराई निर्वाचित भएको जानकारी सभामुखले गराउने कार्यसूची थियो। यस्तै एमाले सांसद रमा घर्तीले नेकपा एकीकृत समाजवादी पार्टी रोजेको समेत जानकारी गराउने कार्यसूची छ। यस्तै मन्त्रीहरुको कार्यविभाजन हेरफेर तथा केहि विधेयक पेस गर्ने कार्यसूची तय गरिएको थियो।