धनगढी- सुदूरपश्चिममा पछिल्लो २४ घन्टामा दुई जनामा कोरोना भाइरस (कोभिड-१९)को संक्रमण देखिएको छ।
कैलालीको धनगढीस्थित सेती प्रादेशिक अस्पतालले मंगलबार दिउँसो जारी गरेको प्रेस विज्ञप्ति अनुसार अछाम र कैलालीका एक-एक पुरुषलाई कोरोना संक्रमण रिपोर्ट पोजेटिभ देखिएको हो।
यससँगै धनगढीस्थित प्रयोगशालामा कोरोना पुष्टि भएकाको संख्या आठ सय ५४ पुगेको छ।
पछिल्लो २४ घन्टामा ३४ जनाको मात्रै पीसीआर परीक्षण गरिएको विज्ञप्तिमा उल्लेख छ। धनगढीस्थित प्रयोगशालामा दैनिक दुई सय ५० नमुनाको पीसीआर परीक्षण गर्ने क्षमता छ।
प्रकाशित: Jun 30, 2020| 15:07 मंगलबार, असार १६, २०७७
