पाेखरा- गण्डकी प्रदेशमा मंगलबार बिहान थप १७ जनामा कोरोना संक्रमण पुष्टि भएको छ ।
प्रदेश क्षयरोग केन्द्र, पोखरा र पोखरा स्वास्थ्य बिज्ञान प्रतिष्ठान, पोखरामा गरिएको परिक्षणमा मगंलबार विहान थप १७ जनामा संक्रमण पुष्टि भएको हो ।
थपिएका संक्रमितहरु कास्कीको पोखराका ७ जना, मादीका एक जना, तनहुँका ५ जना , लमजुङमा ३ जना र स्याङजाका एक जना रहेको स्वास्थ्य निर्देशनालय पोखराले जनाएको छ ।
सबै संक्रमितहरुलाई सम्बन्धित जिल्लाहरुमा रहेका आईसोलेसन कक्षमा लैजाने तयारी भैरहेको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता विनोद विन्दु शर्माले जानकारी दिए ।
मंगलबा बिहान थप १७ कोरोना संक्रमित थपिएसँगै गण्डकी प्रदेशमा संक्रमितको संख्या ९६६ पुगेको छ । गण्डकी प्रदेशमा कोरोनको संक्रमण निको हुनेको संख्या २१४ पुगेको छ भने २ जनाको मृत्यु भएको छ ।
प्रकाशित: Jun 30, 2020| 07:06 मंगलबार, असार १६, २०७७
