सरकारले जारी आंशिक लकडाउनलाई ७ साउनसम्म निरन्तरता दिने निर्णय गरेको छ।
सोमबार साँझ बसेको मन्त्रिपरिषद् बैठकले कोरोना संक्रमणको दर बढिरहेका कारण जारी लकडाउनलाई निरन्तरता दिने निर्णय गरेको हो।
सरकारले १ असारदेखि लकडाउन खुकुलो बनाएको थियो। अहिले लामो दूरीका सवारी र सार्वजनिक सवारी साधन चलेका छैनन्। निजी सवारी पनि जोरबिजोर नम्बरका आधारमा मात्रै चल्न पाउँछन्।
आन्तरिक तथा अन्तर्राष्ट्रिय हवाई उडान पनि बन्द छन्। भीडभाड हुने स्थान, स्कुल, कलेज, सिनेमा हललगायत स्थान पनि खुलेका छैनन्।
प्रकाशित: Jun 29, 2020| 21:41 सोमबार, असार १५, २०७७
